Um Bergplast

Bergplast ehf. er iðnfyrirtæki sem sérhæfir sig í plaststeypu og plastmótun. Framleiðsla matvælaumbúða fyrir matvælaiðnaðinn á Íslandi er fyrirferðamest í starfsemi félagsins. Framleiðsla á vörum fyrir rafmagns- og byggingaiðnaðinn í landinu er sömuleiðis umfangsmikil. Auk framleiðslunnar býður Bergplast ehf. upp á hönnun, ráðgjöf og aðstoð við vöruþróun auk sérsniðinna lausna fyrir viðskiptavini.

Hjá Bergplasti ehf. starfa á þriðja tug starfsmanna með fjölbreyttan bakgrunn, þekkingu og reynslu. Fyrirtækið leggur áherslu á að hlúa vel að starfsfólki sínu og telur mikilvægt að skapa gott og skemmtilegt starfsumhverfi og stuðla að markvissri starfsþróun starfsmanna sinna.